Пилтадаги ингичка толаларнинг тўғриланганлиги ва паралеллашиш даражасини аниқлашнинг такомиллаштирилган усули

Аннотация

Жаҳон амалиётида пахта толасидан тайёр маҳсулотлар ишлаб чиқариш технологик жараёнларига таъсир етадиган муҳим омилларни аниқлаган ҳолда янги техника ва технологияларни ишлаб чиқаришга йўналтирилган илмий тадқиқот ишлари олиб борилмоқда. Ушбу соҳада, пахта тозалаш ва йигириш корхоналарида тола ва ип сифат кўрсаткичларини яхшилаш ва толанинг тўғриланганлик ҳолатларини тадқиқ этиш муҳим аҳамият касб этади. Сифатли ип йигиришда толали маҳсулотнинг титилганлик даражасининг юқори бўлиши тоза ва равон ип тайёрлашда катта аҳамиятга эга. Ип йигириш жараёнининг мураккаб муаммоларидан бири маҳсулотни чўзиб текислаш вазифаси ҳисобланади. Чўзиш натижасида толалар бир-бирига нисбатан сирпаниб ҳаракатланиб олд ва орқа учлари тўғриланади, бир-бирига нисбатан параллел юқори даражада тўғриланган ва текисланган толалар бир текис, равон пишиқ ип тайёрлаш имкониятини таъминлайди.Ушбу мақолада пилтадаги толаларнинг тўғриланганлиги ва паралеллашиш даражасини аниқлашнинг такомиллаштирилган ҳамда толанинг эгилганлигини аниқлаш усуллари келтирилган.