Pilla tayyorlash texnologiyasining sifatga ta’sirini tadqiq etish

Аннотация

Mazkur maqolada pilla tayyorlash mavsumidagi tut ipak qurtining pilla o‘rash davri va ularni terib olishdagi tajriba natijalari va ularning tahlili, mavjud muammolar keltirilgan. Pilla tayyorlash jarayonida uning sifat ko‘rsatkichlariga ta’sir etuvchi omillar o‘rganilgan. Unda tut ipak qurtining pilla o‘rash davrida dastaga chiqish kunlari sifatiga ta’siri natijalari olingan. Tadqiqotlar davomida tut ipak qurtining pilla o‘rashi va g‘umbakka aylanish vaqtlari kunlar kesimida tahlil qilingan. Unga ko‘ra Xitoy duragay tut ipak qurtlarining 77 %i, Mahalliy duragay tut ipak qurtlarining 55 %i birinchi kuni dastaga chiqqan. Ikkinchi va uchinchi kunlari mos holda, 13 % va 5 % ni, hamda 25 % va 11 % ni tashkil etgan. Qurtlar dastaga chiqqan birinchi kundan boshlab 9-kuni 1-variantda 95 %, 2-variantda esa 91 % ipak qurtlari g‘umbakka aylangan va terib olishga tayyor bo‘lgan. Natijalar asosida aholini tadbirkorlikka jalb qilish tizimini takomillashtirish va tadbirkorlikni rivojlantirish bo‘yicha takliflar bayon qilingan. Xususan, ipakchilik klasteri korxonalariga xizmat ko‘rsatuvchi, uy sharoitida qurt boqish bilan birgalikda pillalarni chuvib xom ipak olish quvvatlarini tashkil etishining samaradorligi izohlangan.