Коронавирус инфекциясининг (covid-19) сероэпидемиологик таҳлиллари асосида профилактик ва эпидемияга қарши чора-тадбирларни такомиллаштириш

Аннотация

Жаҳонда COVID-19 инфекциясининг клиник кечиши ва даволаш, олдини олиш самарадорлигига эришиш мақсадида қатор илмий-тадқиқотлар амалга оширилмоқда. Бу борада, жумладан пандемиянинг таъсирини юмшатиш учун турли аҳоли гуруҳларида COVID-19 нинг эпидемик тарқалишининг ҳар хил босқичларида SARS-CoV-2 вирусининг асосий юқиш йўлларини аниқлаш, касалланиш ва вакцинациядан сўнг, SARS-COV-2 га қарши иммунитетнинг давомийлигини аниқлаш, қонда SARS-CoV-2 га қарши IgM ва IgG антитаначалар миқдорини аниқлаш, вирусни аниқлаш учун ташҳисот воситаси ва аҳолини узоқ муддатли муҳофазасини таъминлай оладиган вакциналарни яратиш, реинфекцияни олдини олишда иккиламчи иммун жавобнинг аҳамиятини ўрганиш, COVID-19 билан касал бўлиб соғайганларни эса эмлаш муддатларини белгилаш, жамоавий иммунитетни ўрганиш, COVID-19га қарши юқори самарали профилактик ва эпидемияга қарши чора-тадбирлар ишлаб чиқиш кабилар катта аҳамият касб этади.