Такомиллаштирилган аэродинамик тола тозалагичининг аррали барабанлар айланиш тезлигини аниқлаш

Аннотация

Мақолада тола тозалаш технологиялари ва уларнинг камчиликлари баён этилиб, ушбу камчиликларни бартараф этиш учун аэродинамик тола тозалагичини икки аррали цилиндрли тола тозалагичи билан қўшилган агрегати таклиф этилди. Пахта толасининг жаҳон бозоридаги рақобатбардошлиги асосан толанинг узунлиги, ташқи кўриниши ҳамда таркибидаги ифлос чиқиндилар миқдорига қараб белгиланди. Шу сабабдан пахтани қайта ишлаш технологик жараёнида толанинг сифат кўрсаткичларини оширишга жиддий эътибор берилади Юқоридаги муаммоларни ҳал этиш учун, ифлос аралашмаларни ва улукни максимал даражада ажратувчи, лекин чиқиндига толани минимал даражада ўтказувчи тола тозалагичнинг янги конструксиясини ишлаб чиқиш масаласи қўйилди. Қўйилган муаммони икки аррали силиндрли тола тозалагичнинг иккинчи аррали силиндрининг тезлигини биринчисига нисбатан 3-5% га ошириш, кирувчи қувури олдига тирсак бурилишида 0,1 мм дан 30 ммгача ростланувчи тирқишли марказдан қочма тозалагичини (аэродинамик) қўшиш билан аэромеханик тола тозалагичини ишлаб чиқиш асосида ҳал этилди. Икки аррали силиндрли тола тозалагичнинг иккинчи силиндр айланиш тезлигини биринчига нисбатан юқорироқ бўлиши ва аэромеханик тола тозалагичга айланиши орқали тозалаш самарасини 8-10 % га ошириш имконияти юқори бўлиши кутилди. Икки силиндрли тола тозалагичнинг иккала силиндридан толанинг тўлиқ ўтишини таъминлаш мақсадида иккинчи силиндрнинг айланиш тезлигини тозалаш самарасига таъсирини тажрибалар асосидаўрганилди.