Тозалаш жараёнида аррали секциялардан ажралиб чиққан чиқинди улушларини баҳолаш натижалари тахлили

Аннотация

Мақолада пахтани йирик ва майда ифлосликлардан тозалаш агрегатидан чиққан чиқиндилар таркибини тахлил қилиш, пахтани бир чигитли бўлакларга ажралиши ҳамда чиқиндилар билан биргаликда чиқиб кетаётган эркин толалар миқдорини баҳолашга қаратилган тажриба тадқиқотлари натижалари келтирилган. Чиқинди таркибидаги бўлаклар миқдорига уруғнинг нави, пахтанинг сифати, ифлосланганлиги ва бошланғич намлиги ҳамда тозалаш агрегати аррали барабанларининг сони ва қозиқли барабанлар остидаги химоя қоқоғининг очиқ ёки ёпиқ ҳолатларда бўлишининг таъсирлари ўрганилди. Aррали барабанларининг сони 3 та ва 4 та бўлган тозалаш агрегатларида тажриба-синовлари ўтказилди ва уларнинг натижалари таққосланди. Бунда 3 та аррали барабанларга эга агрегат шнекларидан чиқаётган чиқиндининг миқдори ва таркиби тўртта аррали барабанларларга эга агрегат шнекларидан чиқаётган чиқиндилар миқдори ва таркибидан турлича бўлиши, ҳамда бу кўрсаткичларни агрегатнинг аррали барабанлари бўйича тақсимланиш қонунияти ўзаро фарқ қиши аниқланди. Машинада терилган пахтанинг бошланғич намлиги ва ифлосланганлик даражаси қўлда терилган пахтаниникидан юқори бўлишига қарамай, қўлда терилган пахтанинг чиқиндиси таркибидаги пахта бўлаклари ва толаларнинг миқдори машина териминикидан кам бўлмаслиги аниқланди. Ҳар иккала усулда терилган пахталарнинг чиқиндилари таркибидаги эркин тола ва тола бўлакларини кўплиги ва улар чиқиндидан ажратилган пахта, майда ва йирик ифлосликлар ҳамда угар таркибида кўп миқдорда мавжудлиги кузатилди.