Дискурсив когерентлик ҳодисаси ҳақида

Аннотация

Дискурс табиати, унинг қисмларининг мазмуний яхлитлигини ҳосил қилувчи когеренция ҳодисаси изчил ўрганилиб, турли фикрлар билдирилмоқда. Д.Шиффрин ва Д.Таннен дискурсда когеренциянинг юзага келиши "макроструктура модели" (macrostructure modеl), "риторик структура назарияси", (rhetorical structure theory ), "нутқий актлар назарияси" (speech act theory ), "схема назарияси" (schema theory) каби йўналишларда тавсифланиб келинаётганини қайд этадилар. Ван Дейк ва Кинтч когеренциянинг семантик, синтактик, стилистик ва прагматик турларини фарқлашни таклиф қилган эди. Олимлар дискурс таҳлилини "тилдан фойдаланиш", "билим коммуникацияси" ва "ижтимоий вазиятларда ўзаро муносабатга киришиш" тушунчалари нуқтаи назаридан олиб боришни маъқуллайди.