Бўйлама йўл-йўл нақшли пахта-ипакли трикотаж тўқималарини олиш технологияси

Аннотация

Сўнгги йилларда мамлакатимизда тўқимачилик, тикув-трикотаж саноатини ривожлантириш, тайёр маҳсулот турларини кенгайтириш, соҳанинг инвестисия ва экспорт салоҳиятини қўллаб-қувватлаш борасида жадал ишлар амалга оширилмоқда. Инновацион имкониятлар жаҳон тизимида миллий иқтисодиёт ўрнини аниқловчи стратегик ресурс ҳисобланади. Илмий ютуқлар интеграциясини ишлаб чиқаришга тадбиқ этиш – импорт ўрнини босувчи ва экспорт структурасини кенгайтирадиган маҳаллий маҳсулотларни сифат кўрсаткичларини ва рақобатбардошлигини оширишнинг зарурий шартидир. Мақолада маҳаллий хом ашёлардан самарали фойдаланиб пахта ва йигирилган ипак ипларидан бўйлама йўл-йўл нақшли трикотаж тўқималарини янги тузилишлари ва олиш усуллари ёритилган. Табиий ипакдан фойдаланиб, янги таркибли трикотаж тўқималари турларини ишлаб чиқариш нафақат табиий ипакдан фойдаланиш соҳасини кенгайтиради, балки ишлаб чиқарилаётган трикотаж тўқималари ассортиментини ҳам кенгайтиради ва уларнинг сифат, истеъмолчилик кўрсаткичларини ва айниқса гигиеник хусусиятларини ошириш имконини беради. Яратилган бўйлама йўл-йўл нақшли пахта-ипакли трикотаж тўқима намуналари Хитойнинг LongXing фирмасида ишлаб чиқарилган 14-класс икки игнадонли трикотаж тўқув машинасида тўқиб олинган. Олинган натижаларни амалиётга жорий этиш, ишлаб чиқарилаётган маҳсулотнинг рақобатбардошлигини оширади, маҳаллий хом ашёни қайта ишлаш улушини кўпайтиради, ички бозорни сифатли трикотаж маҳсулотлари билан тўлдириш ва маҳаллий ишлаб чиқарилган трикотаж маҳсулотларини ҳалқаро бозорга олиб чиқиш имконини беради.