Намланган пахта юзасидаги сув томчисини аэродинамик куч таъсирида ҳаракатини назарий таҳлили

Аннотация

Мақолада пахта тозалаш корхоналарида ишлаб чиқарилаётган тола намлиги пастлиги туфайли уни қўшимча намлаш эҳтиёжи борлиги, шу вақтгача талабга жавоб берадиган самарали намлаш ускуналари ишлаб чиқилмаганлиги келтирилган. Пахта толасини намлашни мураккаблигини сабаби, уни хўлланмайдиган материаллар турига кириши, сув конденсати толада томчи ҳолатида бўлиши ва бирикиш кучи нуқтавий контактда ишқаланиш кучига боғлиқлиги кўрсатилган. Намланган толани ҳаво оқимида узатишда тола юзасидаги томчилар аэродинамик куч таъсирида ажралиб ҳавога ўтиб кетиши, натижада намлаш самарадорлиги пасайиши мумкинлиги кўрсатиб ўтилди. Томчини тола юзасидаги бир ўлчамли ҳаракати горизонтал ўқ бўйича ҳаракати, тола сиртидан ажралиш шартлари назарий таҳлил қилинди. Ҳаракат қонуниятлари аниқланди.Сув томчисини толада қолиш ёки ундан ажралиб ҳаво оқимига ўтиш шартлари аниқланди. Сув томчисини толадан ажралишига таъсир этувчи асосий омиллар ҳаво оқими тезлиги, сув томчиси диаметри, массаси ўртасидаги боғланишлар аниқланди. Ҳаво тезлиги, сув томчиси диаметри, массаси ошган сайин сув томчиларини ажралиш миқдори ошиши, сув томчиси диаметри ва массаси камайган сайин эса ажралиш миқдори камайиши аниқланди.