Бруцеллёз инфекциясида антиоксидант тизимни клиник-биокимёвий баҳолаш ва даволашни такомиллаштириш

Аннотация

Тадқиқот натижаларининг илмий аҳамияти, аҳоли ўртасида бруцеллёзнинг иккиламчи сурункали шакли кенг тарқалганлиги, беморларда таянч- ҳаракат, овқат ҳазм қилиш, нафас олиш ва юрак- қон томир тизими, асаб тизимининг шикастланиши билан кечиши, ушбу беморларда липопероксидация жараёнлари жадаллашиб, умумий антиоксидант ва каталаза фаоллиги пасайиши ҳамда малон диальдегиди ва С-реактив оқсилнинг ошиши билан изоҳланади. Тадқиқот натижаларининг амалий аҳамияти, бруцеллёзнинг сурункали шаклларини даволашда маҳаллий Фосфаргинин сукцинат препаратининг самарадорлиги, бемор саломатлигининг тез қайта тикланиши ва эрта ташхисоти ҳамда асоратларнинг олдини олиш ва беморларнинг шифохонада даволанишига сарфланадиган харажатларни камайтириш билан изоҳланади.