Такомиллаштирилган тола тозалагични автоматлаштириш

Аннотация

Мақола пахтани дастлабки қайта ишлаш технологиясида модернизация қилинган тола тозалагичлар тадқиқотига бағишланган. Мақолада, тола тозалагичлардаги камчиликлар, уларни бартараф этиш, толанинг сифат кўрсаткичларини яхшилаш мақсадида тола тозалагичларни такомиллаштириш ва электр энергияни тежаш мақсадида автоматлаштириш келтирилган. Тажриба синовлари пахтанинг Хоразм-127 селекциясининг ИИ-навида олиб борилди ва олинган натижалардан шу нарса маълум бўлдики, икки цилиндрли тола тозалагичнинг тозалаш самарадорлиги бир силиндрли тола тозалагичнинг тозалаш самарадорлигидан 10,2% га, уч силиндрли тола тозалагичнинг тозалаш самарадорлигидан 7.12% га кўплигини кўрсатди. Тола тозалагични автоматлаштиришда жин билан тола тозалагич ўртасидаги тола қувурига фото датчик ўрнатилди. Такомиллаштирилган тола тозалагич тола таркибидаги нуқсон ва ифлос аралашмалар миқдорига қараб автоматик равишда бир ёки икки барабанда ишлаш имкониятига эга бўлди.