Такомиллаштирилган қуритиш барабанини тозалаш самарадорлигини қиёсий таҳлили

Аннотация

Мақола пахта тозалаш корхоналарида ишлаб чиқарилаётган тола сифатини яхшилашга бағишланган. Мавжуд пахта тозалаш корхоналарида “олий” ва “яхши” синфли толалар ишлаб чиқариш имконияти паст эканлиги изоҳланган. Хорижий давлатларда ишлаб чиқарилган тозалаш ускуналарининг тозалаш самарадорлиги ҳам етарли эмаслиги кўрсатиб ўтилган. Такомиллаштирилган ва мавжуд қуритиш барабанларида тажриба синовлари ўтказилган. Олинган натижалар қиёсий таҳлил қилинган.Тавсия этилаётган барабаннинг тозалаш самарадорлиги юқори эканлиги, ишлаб чиқарилаётган тола сифатини, синфини ошириш имконияти мавжудлиги асосланган. Унда пахта таркибидаги майда ифлосликлар ажралиш даражасини юқори эканлиги, йирик ифлосликларни ажралиши аниқ қонуниятга бўйсунмаслиги айтиб ўтилган. Бунинг сабаби ўлчамларини турли хил эканлиги, йирик ифлослик кўпроқ ғўза чўпларидан иборат бўлса уларни турли юза текислигидан тушиб кетиши имконияти каттароқлиги келтирилган. Тозалаш самарадорлиги орасидаги фарқ барабандан кейин камайиши лекин бутунлай йўқолиб кетмаслиги ва у толадаги ифлослик ва нуқсонли аралашмалар миқдорига таъсир этиши аниқланган.Тавсия қилинаётган барабанни амалиётга тадбиқ қилиниши “олий” синфли толалар олиш имкониятини ошиши, рақобатбардош тайёр маҳсулотлар ишлаб чиқаришни таъминлаш хулоса қилинган.