Mahsulot sifat ko’rsatkichlarini bo’yoqning reologik xossalariga bog’liqligi

Аннотация

Hozirgi kunda matbaa sanoatining rivojlanishi, butun sanoatning o’sishi va muayyan mahsulotlarga bo’lgan iste’mol talabi kabi umumiy omillar bilan belgilanadi. Iste’mol talabi qo’llaniladigan qog’oz turi va bo’yoqlarning reologik hossalari bilan tavsiflanadi hamda mahsulotning sifatiga ta’sir etish omillari o’rganildi. Tadqiqot obyekti sifatida “Pacifik Star” firmasining ofset bo’yoqlari tanlangan. Birinchi bosqichda bo’yoqlarning tarkibiga sozlovchi qo’shimcha sifatida MP-2 rusumli transformator moyi 1%-5% miqdorda kiritildi va ularni qovushqoqligi viskozimetr orqali baholandi. Keyingi bosqichda bo’yoqlarga D-4100 rusumli alkidli smola 1% - 5% miqdorda kiritilib, ularning qovushqoqligi o’zgarishi har bir bo’yoq uchun baholandi, natijada barcha bo’yoqlar uchun qovushqoqlik oshishi aniqlandi, bu esa bo’yoqning mustahkamlanish tezligining oshishiga olib keladi. Tadqiqot davomida tarkibi o’zgargan bo’yoqlar orqali tajriba qog’ozlarda rangli nusxalar olindi va olingan namuna nusxalarda bo’yoq qatlami intensivligi densitometrik qiymatlari SpectroEye spektrofotometri yordamida o’lchandi. Tаdqiqоtlаr nаtijаlаri bo’yichа аniqlаndiki, optik zichlikdagi barcha o’zgarishlar xalqaro standart chegarasida va ISO 12647-2:2004 (E) talablariga javob beradi. Olingan natijalar barcha matbaa-nashriyot ijodiy uy bosmaxonalari sharoitida qo’llanishga tavsiya etiladi.