Ip tarkibini о‘zgartirish hisobiga gazlamaga bezak berish

Аннотация

O‘zbekning milliy matosi atlas, adras matolariga har doim talab, qiziqish bo‘lgan va sevib kiyilgan. Maqolada hozirgi kunda ishlab chiqarilayotgan o‘zbek milliy avrli matolaridan atlas, adras to‘qimachilik mahsulotlarining ishlab chiqarish jarayoni to‘g‘risida ma’lumotlar keltirilgan. Yangi zamonaviylik bilan hamnafas shaklda yaratilgan avrli matoning xom ashyo bo‘yicha ipning fizik-mexanik xususiyatlari, gigienik talablarining GOST talablari bilan solishtirish natijalari jadval shaklida berilgan. Mavjud atlas, adras matolari bilan ishlab chiqarilgan variantlardagi taxtlash omillari, matolarining tuzilishiga ta’sir etuvchi omillarning ko‘rsatkichlari keltirilgan. Ilmiy izlanishlar natijasida yangi turdagi adras, atlas to‘qimachilik mahsulotlarining iste’mol xususiyatlari bilan birgalikda naqsh ornamentlarining tavsifi ochib berilgan. Tabiiy va kimyoviy iplardan aralashma ip tayyorlab olib, yangi tarkibli milliy cho‘ziluvchan xususiyatga ega bo‘lgan to‘qimachilik mahsuloti Farg‘ona viloyatining Marg‘ilon shahridagi “Sharq ipagi” korxonasida ishlab chiqarilgan. Yangi ishlab chiqarilgan ko‘ylakbop matoning sanoat namunasi tayyorlanib dalolatnoma olindi va iste’molga taklif etildi.