Такомиллаштирилган тош туткич ускунасидаги қайтаргич мосламасининг камерада жойлашиш масофасини тутиш самарасига таъсирини ўрганиш

Аннотация

Мақолада тош туткич бўйича илмий тахлиллар келтирилган. Янги тош туткич конструкцияси таклиф этилган ва унга ўрнатилган қайтаргич мосламасининг пахта таркибидаги майда тошларни тутиш самарасига таъсири тажриба асосида ўрганилган. Пахта хомашёси тош тутиш камерасига киришда пахтанинг орасидаги майда тош ва қум сингари бошқа аралашмаларни ажратиш учун камерага ўрнатилган қайтаргичга (отражатель) урилади, қайтаргич олди қисмига ўз холича айланувчи роликлар ўрнатилган бўлиб, роликлар оралиқ масофаси пахта паллачалари ўлчамидан кичик қилиб 10 мм ўрнатилган. Тажриба асосида роликлар ишини ўрганиш учун икки вариантда, қайтаргичдаги роликлар юзини ёпиқ ва очиқ холда бажарилди. Тажрибаларни ишлаб чиқилган услуб бўйича амалга оширилди, 10 мм гача, 10-20 мм; 20-30 мм; 30-40мм гача ўлчамдаги тошларни олиб, ҳар хил рангларга бўяб, узатилаётган пахтага қўшилди ва тош туткичда ушланган тошлар ўлчамлари бўйича саноғи чиқарилди. Тажрибалардан кўринадики қайтаргични камерани тўсиш масофасини қанча катталаштирилса майда тошларни тутиш самараси ошади, лекин пахта йўлининг тўсилишидан тош йиғиш мосламасига пахта бўлакларининг тушиб қолиши кузатилади, тажрибаларда қайтаргични ўрнатиш h масофасининг 350 мм холатида умумий тутиш самараси юқори эканлиги кўринди.