Такомиллаштирилган тозалагич винтли ишчи органида пахтани ҳаракатланишини тадқиқ этиш

Аннотация

Мақолада пахтани дастлабки қайта ишлаш технологик жараёнида кенг ишлатиладиган майда ифлосликлардан тозалагич самарадорлигини ошириш мақсадида қўллнилиши тавсия этилган винтли ишчи органида пахта бўлакчасини ҳаракатланишини тадқиқ этиш натижалари келтирилган. Винтли ишчи органда материал нуқтага қўйилган кучлар ва қўзғалмас ҳамда қўзғалувчан координаталар тизимида жойлашувини назарий таҳлили асосида пахта бўлакчасини винтли ишчи органда ҳаракатланиши тезлиги, бундай ҳаракатга катта таъсир кўрсатувчи винтли ишчи органни винтли чизиқларини кўтарилишларини муқобил бурчакларини ҳамда яна бир таснифли кўрсаткич-винтли ишчи органни критик радиусларини аниқлаш имконини берувчи математик ифодалар келтирилган. Шунингдек, тажрибавий тадқиқотларда пахтани тозалаш жараёнига винтли органи айланишлари сони ва винтли чизиқни кўтарилиш бурчакларини катта таъсир кўрсатишини инобатга олган ҳолда ишлаб чиқилган боғлиқликлар ҳам келтирилган.Унга кўра, кўтарилиш бурчагини ошиши билан мос равишда, айланишлар сони ҳам ортиб бориши ва бундай боғлиқлик тўғри чизиқ кўринишида бўлиши аниқланган.