Пахтани тозалаш жараёнида пахта ҳароратининг тозалаш самарадорлигига таъсири

Аннотация

Пахтани қуритиш тозалаш жараёнида унинг ҳароратини тозалаш жараёни самарадорликларига таъсирини ўрганиш бўйича олиб борилган тадқиқот ишида УХК тозалаш оқим линиясида жойлашган майда ифлосликлардан тозалаш ускунасининг таъминловчи валикларидан сўнг иссиқ ҳаво узатиш қувури ўрнатилди. Шунингдек, таъминловчи валиклардан сўнг пахтани қозиқчали барабанлар юқори қисмида дастлаб титкилаб сўнгра тозалаш учун қозиқчали барабан ва тўрли юза оралиғига узатилди. Пахта билан ҳаво аралашмасининг бирга ҳаракатланишида пахтанинг ҳарорати тозалаш оқим линияси бўйлаб турлича бўлиши аниқланди. Пахта ҳароратининг ошиши натижасида тозалаш жараёнидан сўнг пахта таркибидаги эркин тола миқдорининг камайишига ва тозалаш самарадорлигини ошишига эришилди.