TABIIY RESURSLAR KADASTRI

Аннотация

Darslik Tabiiy resurslar kadastri fanining o’quv dasturiga mos tarzda tuzilgan bo’lib, O‘zbekiston hududining yer usti tuzilishi betakrordir. Shunga monand tabiati ham, boyliklari ham xilma-xil. Qulay tabiiy sharoit ishlab chiqarish samaradorligining muhim tabiiy omilidir. Tabiiy sharoit, ayniqsa, qishloq xo jaligi, foydali qazilmalar qazib chiqarish va transport harakatida yaqqol bilinadi. Tog‘ relyefi, sho‘rxoklar, cho‘llar, taqirlar, jarliklar hududni xo‘jalik jihatdan o‘zlashtirishni qiyinlashtiradi. Qurg‘oqchil yillarda daryo suvlari kamayib, ekinlarni suv bilan ta’minlash og‘ir kechadi. Lekin fan-texnika taraqqiyoti tufayli ishlab chiqarishning tabiiy sharoitga bog‘liqligi yengib kelinmoqda. Ayni vaqtda insonning tabiatga ta’siri kuchayib, salbiy oqibatlarga ham olib kelmoqda. Shu nuqtai nazardan milliy boyligimiz bo’lgan tabiiy resusrlardan to’g’ri va oqilona foydalanish bugungi kun uchun dolzarb muammolardan hisoblanadi. Darslik ham aynan ana shu muammolarni oldini olish, to’g’ri foydalanishni tashkil etish, ularni asrash va himoyalash kabi masalalarni o’z ichiga oladi. Darslik bugungi davr talabidan kelib chiqqan holda tayyorlangan bo’lib oliy ta’limning 5410700-Yer tuzish va yer kadastri, 5410700-Yer kadastri va yerdan foydalanish, 5111000-Kasb ta’limi (Yer tuzish va yer kadastri) bakalavriat talabalari uchun mo‘ljallangan.