Чармни мураккаб эфир асосида ёғлантириш жараёнини математик режалаштириш ва параметрларнинг рационал қийматларини аниқлаш

Аннотация

Ёғлантириш жараёни чармнинг физик-механик хоссаларига таъсир кўрсатувчи муҳим жараён бўлиб, бунда ёғловчи моддалар ва ёғлантириш жараёнларига таъсир кўрсатувчи омилларни тўғри танлашни тақозо этади. Мақолада мураккаб эфир асосида ёғлантириш жараёнига таъсир этувчи кирувчи омиллар сифатида ҳарорат, давомийлик ва рН муҳит олинган бўлиб, чиқувчи омил сифатида мазкур омилларнинг чармнинг 10 МПа кучланишдаги узайишига таъсири аниқланган. Назарий тадқиқотларда Кохрен, Стъюдент ва Фишер мезонлари ёрдамида ижобий натижаларга эришилган. Тадқиқот натижалари асосида мураккаб эфирларни композицияда қўлланилганда, чармнинг 10 МПа кучланишдаги чармнинг узайишига омилларнинг барчаси таъсир кўрсатиши аниқланган. Мураккаб эфирни таркибда қўллаш ёғловчи моддаларни тўлиқ сингишини таъминлаши натижасида кучланишдаги узайиш кўрсаткичини яхшиланишига ҳамда анъанавий ёғлантириш жараёнларининг барча омилларига хос ҳолда кенг соҳани эгаллаши аниқланган. Таъкидлаш жоизки, жараён ҳарорати 60-65 оС, давомийлик-1,0-2,0 соат ҳамда рН-6,5-7,5 оралиғида бажарилиши, ёғлантириш жараёни олиб боришда мураккаб ёндашишга, алоҳида муҳит талаб қилишга эҳтиёж қолдирмайди. Шунингдек, пойабзал турига мос равишда хом ашё ассортиментларини кенгайтирган ҳолда пойабзал устки қисми учун чарм олишда ишлатиладиган аксарият хом ашё турлари учун қўлланишга ҳам тавсия этилади.