Ўзбек халқи қадимги эътиқод ва маросимларининг таҳлили

Аннотация

Ўзбекистонни миллий мустақилликка эришиши жамият ҳаётининг бошқа соҳаларида бўлгани сингари ижтимоий - гуманитар соҳасида ҳам кенг имкониятларни пайдо қилди. Тарихан қисқа, лекин асрларга татигулик ўтган давр ичида мамлакатимиз олимлари томонидан ўзбек ҳалқи ва унинг давлатчилиги тарихига оид қатор эътиборга сазовор тадқиқотлар бажарилди. Ўз навбатида бу даврда этнолог олимларимиз янгича тарихий тафаккур асосида самарали фаолият юритишлари натижаси тарзида этнос назарияси, этниклик, этногенез ва этник тарих, этнослараро муносабатлар таҳлилига оид қатор янги қарашлар ва назариялар шаклланди.