Уйғунлашган технологияда чигитли пахтадан ип йигириш жараёнларининг самарадорлиги ва маҳсулот сифати таҳлили

Аннотация

“Пахта-тўқимачилик кластерларида пахтани дастлабки ишлаш ва ип йигиришнинг ўйғунлашган янги технологиясини яратиш” имкониятларини ишлаб чиқаришга жорий этишда, толани тойламасдан тўғридан-тўғри йигириш жараёнига узатишда хомашё, хомаки ва тайёр маҳсулотларнинг хосса кўрсаткичлари Uster Statictics 2018 кўрсаткичлари асосида қиёсий таҳлил қилинган. Ғўзанинг «Султон» селекциясига мансуб чигитли пахтадан “Midasiatex Cluster” МЧЖ пахта тозалаш заводида, ДП-130 аррали жинда тола ажратилиб, тойланмаган толалар намунаси тайёрланди. Пахта толасининг кўрсаткичлари Тошкент тўқимачилик ва енгил саноат институти қошидаги “Wakefield Inspection Services (Toshkent) Ltd ” қўшма корхонаси лабораториясида Uster® HVI 1000 тизимда баҳоланди. Намунадан тайёрланган таралган пилталардан “Real Tex Tashkent” МЧЖ корхонасида карда йигириш тизимида ҳалқали усулда CCD-32/1 ипи йигириш режаси ишлаб чиқилди. Тажриба синов ишлари корхона шароитида белгиланган стандарт меъёрлар асосида амалга оширилди. Тажриба вариантида тайёрланган хомаки ва тайёр маҳсулотлар, корхона вариантида тайёрланган хомаки ва тайёр маҳсулотларнинг хосса кўрсаткичларига таққосланиб қиёсий ўрганилди. Юқори даражада зичланмаган, дискрет ҳолатдаги пахта толаси аралашмасига йигириш тизимида ишлов берилиб, технологик жараёнларнинг самарадорлиги ва маҳсулот сифатига таъсири таҳлил қилинди.