Алишер Навоий космогоник дунёқараши шаклланишида Самарқанд ва Ҳирот астрономик муҳитининг ўрни.

Аннотация

Фан тарихида фалакиёт илми тараққиётининг босқичларидан бири Улуғбек расадхонаси фаолияти антик ва ўрта асрлар фалакиёт илми ютуқларини ўзида мужассам қилган зижида акс этган ва Темурийлар даврига тўғри келди. Бу даврда Мовароуннаҳр ва Хурсонда фалакиёт илми олимларидан Салоҳиддин Қозизода Румий, Ғиёсиддин Жамшид Коший, Мирим Чалабий, Абу Али ибн Муҳаммад Биржандий, Алоуддин Али Қушчи. Фасиҳиддин ал- Кўҳистоний, Абдулқодир Рўёний Лоҳиижий, Муҳаммад Олим Самарқандий, Хожи Уҳд Мастуний, Хожи Авҳад Мустафий, Мавлоно Риёзий, Мавлоно Кавкабий, Муиниддин ал-Каший, Мансур ибн Муиниддин ал-Каший, Ҳасан Чалабий ибн Мусо ибн Маҳмуд кабилар яшаб ижод этганлар. Машҳур тарихчи Шарафуддин Али Йаздий ва Ҳусайн Воиз Кошифий ҳам фалакиёт илмидан яхши хабардор бўлганлиги маълум.