Бўёвчи моддани толада синтез қилиш усули бўйича жунни бўяш

Аннотация

Мақоладла жун толали матода бўёвчи моддани толада синтез қилиш йўли билан бўяш технологиясини ўрганишга қаратилган илмий тадқиқот натижалари келтирилган. Жун толали матони бўяшда сувда эримайдиган азобўёвчи моддалар билан целлюлоза толали материалларни бўяш жараёнида қўлланиладиган азоташкил этувчи сифатида ишлатиладиган кератини макромолекуласи таркибида ароматик гидроксил гуруҳ тутган аминокислота – триозиндан фойдаланилган. Таққослаш учун олинган табиий ипак, ҳамда ип газламани совуқ усулда сувда эримайдиган азобўёвчи модда билан бўяш жараёни ҳам ўрганилган. Маҳаллий жун толали материалларни сувда эримайдиган азобўёвчи моддалар билан совуқ усулда бўяшнинг ресурстежамкор технологияси ишлаб чиқилган. Бунда жун толали матони Диазол ғишт ранг О – бўёвчи модда эритмаси билан рН=6-8 бўлган муҳитда бўяш орқали матонинг физик-механик хоссаларига салбий таъсир этмаган ҳолда сувли ишловлар ва ишқаланишга мустаҳкам бўлган турли тусдаги ранглар олинган. Рангнинг L*, a* , b* ранг майдонидаги ўрни аниқланган, ранг туси, тўйинганлиги ва ёрқинлигининг бўяш жараёни муҳитига (рН) боғлиқлиги кўрсатилган.