Paxta poliester aralashma tarkibining ip xossalariga ta’siri

Аннотация

So'nggi yillarda O'zbekiston Respublikasida to‘qimachilik va tikuv-trikotaj sanoatlarini rivojlantirish, ishlab chiqarilayotgan tayyor mahsulotlarning assortimentini kengaytirish, shuningdek, tarmoq korxonalarining investitsiya va eksportini har tomonlama qo‘llab-quvvatlash bo‘yicha ko‘plab ishlar amalga oshirilmoqda. Ilmiy maqolada paxta/poliester tolali aralashma komponentlari ulushining aralash ipning sifat ko'rsatkichlariga ta'sirini o'rganish natijalari keltirilgan. Shu maqsadda xomashyo sifatida Xitoy poliester tolalari va Toshkent viloyatida yetishtirilgan paxta tolalari ishlatilgan. Ne 30/1 paxta/poliester aralash iplar halqali yigirish mashinalarida uch xil variantda ishlab chiqarilgan. Tayyor iplarning sifat ko'rsatkichlari USTER firmasi sinov asboblari yordamida aniqlandi (Uster TESTER-4, Uster UTR-5 va boshqa). Iplarning variasiya koeffitsienti (CV%), ingichka-qalin joylari, nepslar (tugun) soni kabi sifat ko'rsatkichlari taqqoslandi. Aralashma komponentlar ulushlarining ipning sifat ko'rsatkichlariga ta'sirini o'rganish maqsadida bir omilli dispersion tahlili o'tkazildi. Barcha sinov natijalari a <0,05 va a <0,01 ishonch darajasida baholandi.