Tо‘qimachilik mashinasini (lentali mashina) modellashtirish

Аннотация

Maqolada tо‘qimachilik korxonalaridgi lentali mashinani modellashtirish tatqiq qilingan. Lentali moshinada chiziqli zichlikni rostlash strukturasi va rostlash sistemasi orqali jarayonning matematik modeli olingan. Mashinaning kirish qismida lentali sakkizta quti qo‘yilgan, va ular hammasi bitta bo‘lib birlashtirilgan va sakkiz marta cho‘zilgan. Cho‘zilganidan so‘ng mashinada lentaning chiziqli zichligi chiziqli zichlik datchigi bilan o‘lchangan. Nazorat qurilmasiga chiziqli zichlik datchigidan ma’lumotlar yozib borilib, qayta ishlashga o‘tilgan. Hozirgi kunda ishlab chiqarishda mikroprotsessor kabi ventilli yuritma boshqaruv bloki ham PID-rostlagichga egadir. Ijrochi mexanizm sifatida ishlatiladigan ventilli yuritmani birinchi tartibli zvenoning uzatish funksiyasi bilan tavsiflash mumkin. Natijada lentali moshinada chiziqli zichlikni rostlash strukturaviy sxemasi olingan. Rostlash sistemasining bunday matematik modeli keltirilgan modelga deyarli mos keladi va PI-rostlagichi qo‘llanilishi ularni farqlab turadi. Rostlagich sistemasining matematik modelini taqdim etuvchi differensial tenglama keltirilgan. Yagona blokning o‘rniga kutubxonadan olinishi mumkin bo‘lgan PID-rostlagich modeli uchta parallel ulangan qismlardan tashkil topgan ya`ni proporsional, integral va differensial rostlagichlar olingan va o‘tkinchi jarayon grafigi qurilgan.