Тикувчилик қийқимларини чимдиб титиш машинасининг таъминлаш цилиндрларини оптимал айланиш частотасини аниқлаш

Аннотация

Ушбу мақолада “YEUROAZIA ALLIANCE TEX” MCHJ корхонасининг “SHANDONG SHUNXING MACHINERY” фирмасини чимдиб титиш машинасида тикувчилик қийқимларидан тикланган тола олиш бўйича тадқиқот натижалари келтирилган. Мақолада тикувчилик қийқимларини толаларга ажратиб,тикланган тола олишда таъминлаш мосламасининг самарали ишлаш параметрларини аниқлаш бўйича тажрибалар ўтказилиб,чимдиб титиш машинасининг таъминлаш слиндирлари айланиш частотасининг оптимал қийматларини топиш баён этилган. Тикувчилик қийқимларини толаларга ажратишда толанинг штапел узунлиги, қайта титилмаган қийқим бўлакчалари ва ажралиб чиқувчи чиқиндилар миқдорини чимдиб титиш машинасининг таъминлаш силиндрлари диаметрига боғлиқлиги ўрганилган. Тикув иплари кийим тайёрлашда, уларнинг деталларини бириктиришда асосий воситамиз ҳисобланади. Хомашё ресурсларини тежаш, тўқимачилик чиқиндиларини қайта ишлаб тикланган тола олиш, улардан сифатли маҳсулотлар ишлаб чиқаришда катта аҳамиятга эга экан. Дастлабки олиб борилган тадқиқотларимиз шуни кўрсатдики, қийқимларни толаларга ажратиш самарадорлиги матонинг зичлигига, ўрилиш турига, тола ва ишлатилаётган ипнинг турига боғлиқдир.