Чарм саноатида антибактериал материаллар олиш технологиялари тадқиқоти

Аннотация

Махсус мақсаддаги пойабзал турли хил иқлим шароитларида, ҳароратнинг кескин ўзгариши билан ишлатилиши мумкин, шунингдек узоқ вақт намланган ҳолатда бўлади. Бу эса пойабзал бўшлиғида тери касалликларига олиб келадиган турли хил бактериялар пайдо бўлиши учун қулай шароит яратади. Ҳозирги вақтда пойабзал бўшлиғининг нам жойларида юзага келадиган бактериал инфекцияларга қарши курашиш усуллари ишлаб чиқилмоқда ва уларнинг деярли барчаси маҳсулот материалларини микробларга қарши воситалар билан шимдиришга асосланган. Бу жиҳатдан замбуруғ ва моғорга қарши ҳимояловчи материалларни (чарм, мато, нотўқима материаллар) ишлаб чиқариш муаммоси республикамиз шароитида айниқса долзарб, чунки замбуруғлар иссиқ, қуёшли кунларда тез кўпаяди. Мақолада, чарм ва тўқимачилик соҳасида ҳимояловчи материаллар ишлаб чиқаришнинг замонавий технологиялари таҳлил қилинди. Бу эса, композицияларнинг таркибини, материалларни тайёрлаш технологияси ва усулларини аниқлашга имкон беради.