Рақобатбардош тайёр маҳсулотлар ишлаб чиқаришнинг асослари

Аннотация

Мазкур мақолада кластер тузиш мезонлари, халқаро тажрибалар таҳлили, ўзбекистонда тўқимачилик хомашёларини ишлаб чиқариш ва қайта ишлаш ҳолатлари келтирилган. Ўзтўқимачиликсаноат соҳасида пахта-тўқимачилик кластерларини вилоятларда ташкил этиш ҳолатлари, инновацияни ривожланиши, тайёр маҳсулотлар экспорти ҳажми келтирилган. 2017 йилдан бошлаб “Ўзбекипаксаноат” уюшмасини ташкил топиши, баҳор-ёз мавсумида 4 маротаба такрорий ипак қуртини парваришлаб пилла етиштиришга ўтаётганлиги, ипакчилик кластерини жойларда ташкил эта бошлаганлиги таъкидланади. Юқори самарадорли “Ипак кластер” усулини яратиш мумкин бўлган 4 та мисол келтириб технологияларни кетма-кетлиги, ипакчиликда (тут баргини етиштириш, ипак қуртини боқиш, пилла ишлаб чиқариш, қуритиш); хом ипак ишлаб чиқариш (пиллаларни калибрлаш, саралаш, чувишга тайёрлаш, хом ипак чувиб олиш, сифатини аниқлаб, қадоқлаш), тўқувчилик ва пардозлаш (хом ипакдан бурамлар бериб хомашё тайёрлаш, рақобатбардош миллий матолар; хон-атлас, адрас, бекасам, шойи, креп матолари: креп-шифон, креп-жоржет, крепдешин тўқима матоларини ишлаб чиқариш уларни пардозлаш, гул босиш ва сотувга тайёрлаш), тикувчилик (кун модаси талабидаги рақобатбардош, сифатли тайёр нафис кийимлар, шарфлар, рўмоллар ва бошқа буюмлар ишлаб чиқариб, сотиш), кадрларни ўқитиш ва малакасини ошириш, уларни моддий рағбатлантириш мезонини ишлаб чиқиш,инновацияни жорий этиб, инвестицияни жалб қилиш, кластер марказини тайёр маҳсулотлар ишлаб чиқариб сотадиган корхона базасида тузилиши самарадорлиги таъкидланади.