“Наврўз-3” ва “хитой” саноат дурагай пиллаларининг технологик кўрсаткичлари тадқиқи

Аннотация

Мақолада маҳаллий “Наврўз-3” ва уруғи хориждан келтирилиб маҳаллий шароитда боқилган тут ипак қурти “Хитой” саноат дурагай пиллаларининг технологик кўрсаткичлари тадқиқ қилинган. “Наврўз-3” саноат дурагай пиллалари “Хитой” саноат дурагай пиллаларига нисбатан пилланинг узунлиги ва пилла қисмлари нисбатан катталиги аниқланган. Пилла қобиғининг қалинлиги, қуввати ўрганилиб таҳлил қилинган. Пиллалар ўлчамлари бўйича сараланганда майда калибрли пиллалар “Хитой” дурагайларида маҳаллий “Наврўз-3” дурагайларига нисбатан 11 % юқорилиги, маҳаллий “Наврўз-3” дурагайларида ўрта калибрли пиллалар 78 % ни “Хитой” дурагайларидан 9 % га ортиқлиги аниқланган. Пиллаларнинг калибрлари бўйича чиқиши аниқланган. “Наврўз-3” дурагайида I-нав 38,0 %, II -нав 46,2 %, жами навли пиллалар улуши 84,2 %, “Хитой” дурагайида I-нав 36,5 %, II -нав 44,6 %, жами навли пиллалар улуши 81,1% ни ташкил этди. Навсиз пиллалар улуши “Наврўз-3” дурагайида “Хитой” дурагайига нисбатан 3 %, ностандарт пиллалар 0,1 % га камайганлиги аниқланди. Пиллалар якка чувилиб пилла ипининг умумий узунлиги ва пилла ипининг чизиқий зичлиги ўрганилган. Маҳаллий “Наврўз3” дурагайи пиллалари пилла ипининг умумий узунлиги 1250 метрни, “Хитой” дурагайи пиллаларида эса бу кўрсаткич 1200 метрни ташкил қилган. Пилла етиштиришда маҳаллий “Наврўз-3” дурагайларидан фойдаланиш бўйича тавсиялар берилган.