O'zbek milliy liboslarining naqshli dizaynida fraktallar va ularni qurishning dasturiy vositalari

Аннотация

Mazkur maqola to‘qimachilikning milliy dizaynida fraktal tasvirlardan foydalanishning asosiy tushunchalarini o‘rganishga bag‘ishlangan. O‘zbek milliy liboslari naqshli dizayni uchun fraktal naqshlarning tenglamalarini qurish usullari o‘rganilgan. To‘qimachilik dizayni bo‘yicha ko‘plab tushunchalar geometrik transformasiya va formulalar kabi boshqa matematik tushunchalar bilan bir qatorda rang, tasvirning tiniqlik darajasini belgilash hamda gazlamalarda akslantirish bilan tahlil qilinadi. Ushbu tushunchalar to‘qimachilik dizayni sanoatida odatiy jarayonni namoyish etadi. Ammo qo‘llanilayotgan uslullar innovatsion naqshlar bilan ko‘p qirrali dizaynni ishlab chiqish va rang berishda yaxshi usul sifatida unchalik samarali emas.Ushbu muammoni hal etishda innovatsion dizaynlarni hosil qilish uchun matematik funksiyalarni, fraktal modellardan foydalanib ishlab chiqilgan dasturiy ta’minotlarni imkoniyatlarini o‘rganish muhimdir. Maqolada V.L. Rvachev nazariyasiga asoslangan R-fuksiya usuli (RFM)ning afzalliklari va imkoniyatlari haqida fikrlar keltirilgan. R-fuksiya usuli (RFM) yordamida o‘zbek milliy liboslari naqshli dizayniga oid fraktallarning tenglamalari qurilgan va rekursiv algoritmlari ishlab chiqilgan. Maqolada zamonaviy dizayndagi naqshlarning murakkab fraktal tuzilishlarni qurishning dasturiy muhiti qaralgan. V.L. Rvachev nazariyasiga asoslangan R-fuksiya usuli (RFM)da o‘zbek milliy liboslari naqshli dizayniga oid fraktallar uchun dasturiy muhitlar ishlab chiqilgan. Dasturiy muhit asosida o‘zbek milliy liboslari naqshli dizayniga oid fraktallar rastli grafikada olingan va rasm ko‘rinishda keltirilgan.