Йигирилган пахта ва ипак ипларидан нақшли трикотаж тўқималарини олиш технологияси

Аннотация

Мақолада маҳаллий хомашёлардан самарали фойдаланиб, йигирилган пахта ва ипак ипларидан нақшли трикотаж тўқималарини янги тузилиши ва олиш усуллари ёритилган. Табиий ипакдан фойдаланиб, янги таркибли трикотаж тўқималари турларини ишлаб чиқариш нафақат табиий ипакдан фойдаланиш соҳасини кенгайтиради, балки ишлаб чиқарилаётган трикотаж тўқималари ассортиментини ҳам кенгайтиради ва уларнинг сифат, истеъмолчилик кўрсаткичларини ва айниқса гигиеник хусусиятларини ошириш имконини беради. Яратилган пахта-ипакли нақшли трикотаж тўқима намуналари Италиянинг Пилотелли фирмасида ишлаб чиқарилган 28-класс бир игнадонли айлана трикотаж тўқув машинасида тўқиб олинган. Олинган натижаларни амалиётга жорий етиш, ишлаб чиқарилаётган маҳсулотнинг рақобатбардошлигини оширади, маҳаллий хомашёни қайта ишлаш улушини кўпайтиради, ички бозорни сифатли трикотаж маҳсулотлари билан тўлдириш ва маҳаллий ишлаб чиқарилган трикотаж маҳсулотларини халқаро бозорга олиб чиқиш имконини беради.