Кимёвий толаларни эмульсиялашнинг аралаш ип хоссаларига таъсири

Аннотация

Ушбу мақолада cинтетик толаларни қайта ишлаш жараёнида олинган ипларни электрланиш даражаси тўғрисида ишончли миқдорий ва сифатли маълумотларга эга бўлмасдан, статик электр зарядлари туфайли юзага келадиган муоммоларни тўғри баҳолаш ва уларни бартараф қилиш бўйича самарали чораларни ишлаб чиқиш мумкин эмаслиги билан бир қаторда янгича эмульсиялашнинг муҳим ўрни, шунингдек толаларнинг сирт таранглигини ошишини камайтириш, иш самарадорлигини ошириш каби омилларига хизмат кўрсатиш билан биргаликда ипнинг пишиқлигига ва нотекислиги яхшиланишига хизмат кўрсатиши ёритилди. Янгича эмульсиялаш усулида нитрон толалари ва уларнинг аралашмаларини пахта билан антистатик қайта ишлаш учун ишлатилиши ҳалқа йигириш машиналарида ипларнинг узулишини 38% гача, ўрашда 20% ва ўрамда 16 % гача камайтиради. Олинган ипнинг сифат кўрсаткичлари натижаларига кўра кўзланган самарага эришилди. Хусусан нотекислиги 6%, узиш кучи 8.2%, ва узайиши эса 3.6% га устунлик мавжудлиги ўз тасдиқини топди.