Чимдиб титиш машинаси таъминлаш мосламаси ишини оптималлаш

Аннотация

Мақолада “EUROAZIA ALLIANCE TEX” МЧЖ корхонасининг “SHANDONG SHUNXING MASHINERY” фирмасини чимдиб титиш машинасида тикувчилик трикотаж қийқимларидан тикланган тола олиш бўйича тадқиқот натижалари келтирилган. Тикувчилик трикотаж қийқимларидан сифатли тикланган тола олиш учун чимдиб титиш машинасининг таъминлаш цилиндрлари диаметрини муқобиллашда Д-оптимал Бокc режаси қўлланилиб экспериментал тадқиқотлар ўтказилган. Тикувчилик трикотаж қийқимларини толаларга ажратишда толанинг штапел узунлиги, қайта титилмаган қийқим бўлакчалари ва ажралиб чиқувчи чиқиндилар миқдорини чимдиб титиш машинасининг таъминлаш цилиндрлари диаметрига боғлиқлиги ўрганилган. Жараённи таҳлил этиш учун уни ифодаловчи регрессион кўп омилли математик модел (РКОМ) олинган. Регрессион тенгламалар MATHCAD дастури ёрдамида компютерда ечилиб, қийқимлардан олинадиган толалар сифатини сақлаган ҳолда ажралишини таъминловчи ишчи органининг оптимал параметрлари аниқланган. Қийқимларни толаларга ажратиш машинасининг шайлаш параметрларини оптимал катталиклари тажрибаларни математик режалаштириш асосида аниқланган, яъни таъминловчи цилиндр диаметрлари d1 = 77 мм, d2 = 55,7 мм бўлганда оптимал натижага эришилади.