Полиэтилентерефталат гранулалари суюлтмасидан шакллантирилган толани бўяш имкониятларини тадқиқ қилиш

Аннотация

ўқимачилик саноати учун мўлжалланган полиэфир толалари ва ипларини турли чет эл фирмалари томонидан таклиф этилаётган мавжуд полиэтилентерфталат гранулалари асосида ишлаб чиқаришни йўлга қўйиш ўта долзарб масала ҳисобланади. Муаммони ечими аралаш толали тўқимачилик материалларини янги ассортиментларини яратиш орқали республикада тайёрланадиган пахта толасини қайта ишлаш ҳажмини кенгайтириш бўйича тўқимачилик саноати олдига қўйилган вазифаларни ҳал этиш имконини беради. Ушбу мақола лаборатория шароитида полиэфир толасини олиш ва уни ранглаш имкониятларини ўрганишга бағишланган. Яратилган экспериментал тола олиш қурилмасида полиэтилентерефталатнинг бирламчи, иккиламчи ва флексидан шакллантирилган толаларни масса ва эритма усулларида бўяш имкониятлари ўрганилган. Толаларда ҳосил қилинган рангнинг интенсивлик кўрсаткичи қўлланилган бўяш усулига боғлиқлиги кўрсатилган. Турли гранулалардан шакллантирилган толаларни дисперс бўёвчи модда билан бўяш имкониятлари таҳлил қилинган. Бўялган толалар ранг интенсивлигига интенсификатор, сирт актив модда концентрацияси ва бўяш жараёни давомийлигини таъсири ўрганилган. Зич структурали полиэфир толасини интенсификатор иштирокида бўяш орқали равон, юқори интенсивликдаги ва совунли сув таъсирига мустаҳкам ранглар олишга эришилган. Олинган натижалар асосида полиэтилентерефталат гранулаларидан шакллантирилган толаларни дисперс бўёвчи модда билан бўяш учун эритма таркиби таклиф этилган.