Парламент фаолияти самарадорлигини ошириш - демократик ислоҳотлар талаби.

Аннотация

Мазкур мақолада Ўзбекистонда парламент фаолияти самарадорлигини оширишнинг айрим масалалари баён этилган. Хусусан, унда парламент сўрови бўйича олинган жавобларни махсус интернет тармоқларига жойлаштириш, Олий Мажлис Қонунчилик палатаси депутати сўровини дастлаб сиёсий партия фракцияси мажлисида кўриб чиқиш учун тақдим этиш ҳамда сиёсий партия фракцияси аъзоларинингкўпчилиги томонидан маъқулланганидан кейин депутатлик сўровни юбориш тартибини жорий этиш, Олий Мажлис Қонунчилик палатасидаги сиёсий партия фракциялари ҳамда маҳаллий кенгашлардаги партия гуруҳлари ўртасидаги ўзаро муносабатларни кучайтиришва ўзаро ҳамкорлик йўналишларини белгилаб олиш, ҳукуматга нисбатан ўзини мухолифат деб эълон қилган партия фракцияларининг ҳуқуқларини кенгайтириш каби таклифлар билдирилган.