Турли экологик йил шароитларида парваришланган оддий ва мураккаб дурагайларнинг пилла маҳсулдорлик ва технологик кўрсаткичлари

Аннотация

Ушбу мақолада Ипакчилик илмий-тадқиқот институти олимлари томонидан яратилган оддий ва мураккаб дурагайларининг 2018-2019 йиллардаги пилла маҳсулдорлик белгилари ва энг асосий технологик кўрсаткичлари бўлган, қуруқ пилла вазни, қуруқ пилладан хом ипак чиқиши, ипак маҳсулотлари чиқиши, пиллалар чувалиш фоизи, толанинг умумий узунлиги, толанинг узлуксиз чувалиш узунлиги ва метрик номери каби белгиларни қиёсий таҳлил қилинган. Тажрибада Мусаффо тола 1, Мусаффо тола 2 ҳамда хориждан келтирилган Jing song Hoayou оддий дурагайлари, Ўзбекистон 5 ва Ўзбекистон 6 мураккаб дурагайлари тадқиқ этилган. Тадқиқот натижасида мураккаб дурагай ҳисобланган Ўзбекистон 6 дурагайи пилласининг вазни 2018 йилда 1,89 г ни ташкил этган бўлса, кейинги мавсумда бу кўрсаткич 2,35 г ни ташкил этган. Қолган оддий ва мураккаб дурагайларда бу кўрсаткичлар бир мунча юқори бўлсада, йиллар кесимида фарқ қилади. Пилла қобиғи вазнининг энг юқори кўрсаткичи оддий дурагай бўлган Мусаффо тола 2 дурагайида 2019 йилги мавсумда кўринган. Бундан ташқари, толанинг умумий узунлиги бўйича энг юқори кўрсаткич - 2018 йилги мавсумда Мусаффо тола 1 оддий дурагайида намоён бўлган (1691 м), толанинг чувалиши ҳам айнан шу дурагайда юқори, яъни 91,1-92,6% ни ташкил этган. Узлуксиз чувалиш узунлиги кўрсаткичи бўйича Ўзбекистон 5 ва Ўзбекистон 6 мураккаб дурагайи юқори натижа берганлигини кўриш мумкин (1200-1508м).