Колосниклар конструкцияларини аррали линтернинг технологик кўрсаткичларига таъсирининг тадқиқотлари

Аннотация

Пахта тозалаш корхоналарида ишлатилаётган 5ЛП линтер ишчи камераси кўндаланг кесимининг катталаштирилгани линтер иш унумдорлигини сезиларли даражада ошириш имконини бермади. 5ЛП линтер аррали цилиндрида 320 мм дан 290 мм гача арраларнинг ишлатилишида уларни ишчи камерага кириб туриш баландлиги 32 мм дан 25 мм гача бўлиб, арраларнинг ишчи камерага кириб туриш баландлигининг камлиги оқибатида арралар оралиғидаги чигитлар тўпламига аррали цилиндр билан аралаштиргич оралиғида ҳаракатланаётган чигитлар массаси таъсир етиб, ишчи камерадан ташқарига чиқиши керак бўлган линтерланган чигитларнинг бир қисмини ишчи камерага қайтиб киришига сабаб бўлган. Линтер иш унумдорлигининг пастлигидан технологиядаги аррали жинлардан ишлаб чиқарилаётган чигитларни цехда тўпланиб қолиш олдини олиш ва линтерларда чигит сиртидан керакли миқдордаги момиқни қириб олиш учун пахтага дастлабки ишлов беришнинг мувофиқлаштирилган технологияси (ПДИ70-2017) бўйича пахта тозалаш корхоналарининг чигитни линтерлаш технологик тизимида икки қатордан, ҳар бир қаторда 4-6 донадан ва умумийси 8-12 донадан иборат бўлган 5ЛП линтерлари ўрнатилади.