Мулк ҳуқуқи.

Аннотация

Мамлакатимизда амалга оширилаётган ислоҳотлар бугунги кунда турмушимизнинг барча жабҳаларини қамраб олди ва у муваффақиятли амалга оширилмоқда. Айниқса, жамиятда ҳуқуқий маданиятни юксалтириш тўғрисида миллий дастур қабул қилинганидан сўнг, шунингдек ижтимоий-иқтисодий ҳаётимиз либерализациялаштириш томон кетаётган бир пайтда бу соҳадаги ишлар янада фаоллашди. Мазкур дарслик ҳам ана шу вазифалардан келиб чиқиб яратилди. Маълумки, мулкий муносабатлар жуда кенг қамровли, айни пайтда мураккаб муносабатлардир. Уларни мунтазам тушуниб бориш, таҳлил қилиб бориш, шарҳлаш лозимлигини даврнинг ўзи тақозо қилмоқда. Мазкур китоб ҳам ушбу муносабатлар билан яқиндан танишишга хизмат қилса, ажабмас.