Пахта бўлакчаси таркибидаги майда ифлосликларни ажратиш жараёнини назарий ўрганиш

Аннотация

Мақолада тадқиқотчилар томонидан ўтказилган назарий изланишлар натижасида пахтадан ифлосликларни самарали ажратиш жараёнини ифодаловчи назарий қонуниятлар олинган. Пахта массасининг тўрли юза бўйлаб ҳаракати давомида унинг таркибидаги ифлослик билан тўрли юза орасида контакт кучи ҳосил бўлиб, унинг таъсири остида ифлосликлар ҳаракатга келади, бунинг натижасида уларнинг бир қисми юзанинг очиқ жойларидан ташқарига чиқиб кетади. Шундай механизмни тавсифлаш учун A.Г.Севостянов томонидан модел таклиф этилган. Бу моделга кўра, тўрли юзадаги пахтани ифлослик миқдорининг камайиши унинг миқдорига ва юза бўйлаб ҳаракат тезлигига пропорционал бўлади. Шу модел асосида алоҳида пахта бўлакчаси таркибидан ифлосликларини ажралиб чиқиш жараёнини назарий ўрганиб чиқилган. Ифлослик ажралиш жараёнини моделлаштиришдан олдин пахта бўлакчасининг тўрли юза майдони устидаги тезлигини аниқлаш лозим бўлади.