HAKIM TERMIZIYNING “AL-FURUQ VA MAN’U-T-TARODUF” ASARIDA SINONIMLARNI IZOHLASH USLUBI

Аннотация

Termiziyning deyarli barcha kitoblarida lug‘atshunoslikka oid fikrlar va o‘ziga xos yondashuv uchraydi. Termiziy biror so‘zni keltirar ekan, albatta, ushbu so‘zning sharhida lug‘aviy jihatlarini batafsil yoritadi. Olim o‘z asarlarida biror mavzuga to‘xtalmoqchi bo‘lsa, shu mavzuga doir so‘zlar xoh diniy-ma’rifiy, xoh axloqiy-falsafiy mazmunga ega bo‘lsin, ularni doimo asl o‘zagiga, tub ma’nosiga qaytarishga harakat qiladi. U avval so‘zning asl ma’nosini izohlaydi, so‘ngra shunga asoslangan holda keyingi fikr va mulohazalarini bayon qiladi . Hakim Termiziy ta’lif etgan asarlari tadqiqi shuni ko‘rsatyaptiki, alloma ko‘plab kitoblarida tilshunos olimlarning sinonimiya nazariyasi haqidagi fikrlariga o‘zining dalillari, kognitiv qarashlariga tayangan tasavvufiy o‘ziga xos uslubiyatiga egadir.