Онг когнитив-дискурсив фаолият манбаси сифатида

Аннотация

Когнитив тилшуносликнинг жадал ривожи тил ва тафаккур муносабатини ўрганиш доирасида юзага келадиган қатор муаммолар муҳокамасининг янада долзарблашувига сабаб бўлмоқда. Булар қаторига, жумладан, онг ҳодисасини ўрганишга оид муаммо ҳам киради. Дарҳақиқат, ушбу ҳодисанинг табиати, тузилиши ва фаолияти ҳақида маълум бир тўхтамга келмасдан туриб, инсон лисоний фаолиятининг когнитив асослари борасида фикр юритиш тўғрисида ўйлашнинг ўзи ножоиздир, зеро, ҳар қандай тафаккур жараёни тадқиқи охир-оқибатда онг ҳодисаси билан боғлиқ муаммоларга бориб тақалади.