Таъминловчи валиклар билан қозиқчали барабанлар оралиқ масофаси ўзгаришини ускунанинг тозалаш самарадорлигига таъсири

Аннотация

Мақолада тозалаш машиналари таъминловчи валиклари билан қозиқчали – планкали барабанлар оралиқ масофаларининг ўзгаришини чигитли пахта тузилмавий таркибининг ўзгаришига ва машинанинг тозалаш самарадорликларига таъсири ўрганилган. Олиб борилган тажриба тадқиқот ишларидан шу нарса аниқландики таъминловчи валиклар билан қозиқчали – планкали барабанлар оралиқ масофалари 5 ммни ташкил этганда чигитли пахтанинг тузилмавий таркиби мавжуд технологик жараёнида 0,68 ни ташкил этган бўлса, оралиқ масофа 25, 50, 100 ва 150 мм бўлганда, ўз навбатида 0,64; 0,59; 0,55 ва 0,51ни ташкил этмоқда ва шунингдек машинанинг тозалаш самарадорликлари ҳам оралиқ масофанинг ортиши билан 32,3 фоиздан 27,0 фоизгача камайиши кузатилмоқда.