ERKAKLAR KIYIMLARINING ENG QADIMGI TURLARI VA ULARDAGI O’ZGARISHLAR

Аннотация

Insoniyatning kiyinish ehtiyojini o‘tovchi buyumlar majmuining umumiy nomi o‘zbek adabiy tilida «kiyim», «kiyim-kechak», so‘zlashuv nutqida «engil», «engil-bosh» (engilvosh), «kiyim- bosh» (kiyim-vosh), «ust-bosh» (ustvosh), «libos», «sarpo» kabi atamalar bilan ifodalanadi.An’anaviy kiyimlar uzoq tarixiy davr davomida shakllanib, u yoki bu xalq yashagan geografik muhit, uning xo‘jalik shakli, ijtimoiy munosabatlari, madaniyati, etnik qatlamlari va boshqa qator omillar bilan bevosita bog‘liq holda taraqqiy etib borgan. Boshqacha aytganda, kiyimlar va kiyinish madaniya¬ti uzoq tarixiy-tadrijiy yo’lni bosib o‘tgan. Xalq turmushiga mos, ishlab chiqarish jarayonlariga xos bo‘lgan kiyimlar asrlar mobaynida shakllanib borishi natijasida xalqning an’anaviy milliy kiyimlari majmui yuzaga kelgan.Xalqona milliy liboslarning shakllanishida tashqi tabiiy muhit, xo‘jalik mashg‘uloti, xalq falsafasi, madaniyati, ijodi, diniy e’tiqodi va milliy an’analari kabi turfa xil omillar muhim o‘rin tutadi. Kiyimlarning yuzaga kelishi va turlarining ko‘payishida kishilarning turmush tarzi, mehnat va iqlim sharoitidan tashqari, ularning madaniy rivojlanishi, estetik didining o‘sishi ham asosiy omillardan biri bo‘lgan.