Пахтани йирик ифлосликдан тозалашда уни аррали барабандан ажратиш жараёнини ўрганиш

Аннотация

Ўтказилган изланишларда, пахтани йирик ифлосликлардан тозалагичларда, аррачали барабан юзасидаги пахта бўлакларини ажратиш учун металл парракли ажратувчи барабанлар самарали эканлиги аниқланган. Лекин бу изланишларда яратилган ажратгичлар, уларнинг конструктив камчиликлари туфайли ишлаб-чиқаришга кенг тадбиқ этилмаган. Металл парракли ажратувчи барабанларнинг афзаллиги, парракларнинг барабан диски айланаси периметрида бир-бирига тирқиш билан қотирилиши туфайли, барабаннинг ишлаши даврида аэродинамик шовқин ҳосил қилмаслиги ва унинг ишчи юзасининг тез ейилмаслигидир. Aввал яратилган парракли барабанлар камчилиги бартараф этилган янги конструкциядаги парракли ажратувчи барабан кўрсаткичларини аниқлаш учун лаборатория ускунасида изланишлар олиб борилди. Бу изланишлар, агар пахтани йирик ифлосликлардан тозалагичларда, металл парракли ажратгичлар қўлланилганда, парраклар сони 18-20 дона, парраклар ва аррача орасидаги масофа 3-5 мм., ҳамда ишлаб-чиқариш унумдорлиги 8-10 т/соат бўлганда, ажратиш коеффициенти 99% дан юқори бўлишлигига эришиш мумкинлигини кўрсатди.