Пайпоқ маҳсулотлари ишлаб чиқариш имкониятлари ва инновациялар

Аннотация

Мақолада Республикамиздаги пайпоқ ишлаб чиқариш корхоналари, уларнинг худудий жойлашуви, техника-технологияси, пайпоқ маҳсулотлари ишлаб чиқариш динамикаси ва инсоният турмуш тарзининг юксалиши билан лозим бўлган ноанъанавий буюмлар, яъни инновацияларга эришиш имкониятлари истиқболлари асосланган. Изланишларимиз асосида пайпоқ тўқув автоматларида маълум узунлик ва диаметрдаги чоксиз енг маҳсулотларини олиш технологияси ўзлаштирилди, жумладан кичик қамровли филтрловчи енглар, матбаа саноати офсет машиналарининг накат валлари учун қоплама енглар, турли ишлаб чиқариш ёки ишлатилиш шароити талабларига мос қўл ҳимоя енглари ҳамда шу енглардан даволаш-профилактик мақсадларда, физиотерапияда ишлатиладиган гидрофил электрод ости маҳсулотлари яратилди. Ҳозирда қоплама енглар матбаа саноати офсет машиналарининг накат валлари учун “Тасвир текс” МЧЖ корхонасига, қўл ҳимоя енглари “Навоийазот” акциядорлик жамиятига, гидрофил электрод ости маҳсулотлари эса Ўзбекистон Республикаси Соғликни сақлаш вазирлиги тасарруфидаги “Санитария, гигиена ва касбий касалликлар илмий-текшириш институти” га жорий этилган.