RAQAMLI IQTISODIYOTNING RIVOJLANISHI VA UNING O‘ZBEKISTON BOZORIGA TA’SIRI

Аннотация

Mazkur maqolada raqamli iqtisodiyotning rivojlanish jarayonlari va uning O‘zbekiston bozoriga ko‘rsatgan ta’siri ilmiy jihatdan tahlil qilinadi. Raqamli texnologiyalar jadal rivojlanib borayotgan hozirgi sharoitda mamlakatimizda elektron savdo, onlayn to‘lov tizimlari, elektron hukumat va raqamli xizmatlar sohalarida sezilarli o‘zgarishlar yuz bermoqda. Ushbu jarayonlar nafaqat iqtisodiyotning samaradorligini oshirish, balki yangi ish o‘rinlarini yaratish, biznes muhitini yaxshilash va aholining raqamli savodxonligini oshirishda ham muhim ahamiyat kasb etmoqda. Tadqiqotda raqamli iqtisodiyotning afzalliklari, mavjud muammolari hamda istiqboldagi rivojlanish yo‘nalishlari yoritib berilgan.