Болаларда ўт ажратиш йўллари сурункали касалликларнинг шаклланиш босқичлари ва клиник намоён бўлиши

Аннотация

Жаҳонда педиатриянинг устувор йуналишлари бўйича қатор илмий тадқиқотлар олиб борилмоқда, айниқса ОИТ касалликларини эрта ташҳислаш, даволаш ва асоратларини олдини олишга қаратилган тадқиқотларга алоҳида эътибор қаратилмоқда, улар орасида болалардаги гепатобилиар тизим касалликлари етакчи ўрин тутмоқда. Бу борада болаларда ўт ажратиш йўллари касалликларининг шакилланиш босқичлари, ҳамда юзага келтирувчи хавф омилларини аниқлаш, замонавий диагностик мезонларни белгилаш ва даволашнинг самарали усулларини ишлаб чиқиш, шу билан бирга реабилитация тадбирларининг самарадорлигини ошириш учун янги замонавий комплекс ёндашувларни такомиллаштириш зарурлиги алоҳида аҳамият касб этмоқда.