Iymonometr

Аннотация

O'tgan yillarda mamlakatimiz rahbari va hukumatimiz tomonidan talabalarning o'z ustida ko'proq va samaraliroq ishlashlari uchun oliygohlarning moddiy-texnik bazasini kengaytirish va zarur shart-sharoitlar yaratish maqsadida ko'plab qaror va farmonlar qabul qilindi. Bularning samarasi o'laroq 2017-yilda Andijon mashinasozlik instituti sobiq rektori U.Salomov boshchiligida institut talabalari orasida iqtidorli, zamonaviy kasblar va turli fanlarga oid yetarli darajada bilimlarni egallagan yoshlarni birlashtirish uchun institut qoshida "Texnologiyalar markazi" deb nomlangan ilmiy-innovatsion markaz tashkil etildi. Unga "tengdosh - tengdoshga" tamoyili asosida xorijiy tillarni mukammal egallagan va xalqaro sertifikatlarga ega bo'lgan, zamonaviy muhandislik dasturlarida qiyinchiliksiz ishlay oladigan, shuningdek, matematika, fizika hamda kimyo kabi fanlarni chuqur o'zlashtirgan talabalar tanlab olinib, ular uchun darsdan tashqari intensiv kurslar tashkil qilindi.