ДОН МАҲСУЛОТЛАРИ КОРХОНАЛАРИДАГИ ЧАНГ ТОЗАЛАШ УСКУНАЛАРИНИНГ САМАРАДОРЛИГИНИ ОШИРИШНИ ТАДҚИҚ ҚИЛИШ

Аннотация

Диссертация мавзусининг долзарблиги ва зарурияти. Ҳозирда жаҳоннинг ривожланган давлатлари саноат ишлаб чиқариш амалиётида фан ва техниканинг инновацион технологиялари ва услубларини ишлаб чиқишга катта эътибор берилмоқда. Шу жиҳатдан, жумладан атроф-муҳитни муҳофаза қилиш соҳасида зарарли чиқиндиларни тозалаш тизимларини янги турдаги ускуналарда лойиҳалашни такомиллаштириш, энергия тежамкор технологияларни самарали қўллаш ва бу орқали саноат корхоналари ҳудудида атмосферага ташланадиган чиқиндиларни камайтиришни таъминлаш масалалари етакчи ўринни эгаллайди. Бу борада, дунёнинг ривожланган мамлакатларида маълум ютуқларга эришилган бўлиб, саноатда чангли ҳавони тозалаш ускуналарини лойиҳалашда такомиллаштирилган янги конструктив ечимларини ишлаб чиқиш ва муҳандислик ҳисоблаш усулларини илмий асослаш, уларни ишлаб чиқаришга жорий этишнинг энергия ва ресурс-тежамкорлигини таъминлаш ва тозалаш самарадорлигини оширишга алоҳида эътибор қаратилмоқда.