Мутантлараро дурагайлаш натижасида яратилган (Ғ6 ) ва янги мутант тизмаларнинг тола сифати кўрсаткичлари

Аннотация

Тадқиқотларда морфохўжалик белгилари бўйича ижобий кўрсаткичларга эга ўрта толали ғўзанинг мутантлараро дурагайлаш натижасида яратилган тизмаларни (Ғ6 дурагайлар) ва чигитларни нурлантириш натижасида яратилган янги мутант тизмаларни ҳамда андоза С-6524 навидан олинган намуналарда толанинг микронейр Мic, ип йигирувчанлик коэффициенти SCI, тола узунлиги Lend (дюйм), солиштирма нисбий узилиш кучи Str (g/tex) ва тола бир хиллиги UI (%) каби кўрсаткичи таҳлил қилинганлиги ёритилган. Толанинг сифат кўрсаткичлари бўйича андоза С-6524 навида ип йигирувчанлик коэффициенти 133, микронейр кўрсаткичи 4,8, тола узунлиги 1,11 дюйм, толанинг нисбий узилиш кучи 33,6 г/текс ва тола бирхиллиги 83,2 фоиз бўлди. Тадқиқотларда ип йигирувчанлик коэффициенти белгиси бўйича Т-244, Т-253, Т-257 тизмалари, микронейр кўрсаткичи бўйича Т-244, Т-253, Т-255 тизмаси, тола узунлиги белгиси бўйича Т-244 тизмаси бошқа тизмалар ва андоза навидан юқори бўлганлиги аниқланди.