Австралия намуналари ва маҳаллий навлар иштирокида яратилган тизмаларда тезпишарлик белгиси билан айрим қимматли хўжалик белгилари орасидаги боғлиқлиги

Аннотация

Тажрибаларда тезпишарлик белгиси билан маҳсулдорлик, тола чиқими, тола индекси, 1000 дона чигит вазни, тола узунлиги ва вилт касаллиги билан умумий зарарланиши бўйича боғлиқликлари аниқланди. Вегетация даври ва тола узунлиги белгилари орасидаги корреляцияси ўрганилганда аксарият тизмаларда кучсиз ижобий ҳолатда бўлган бўлса, Т-485, Т-492 ва Т-495 тизмаларида кучсиз салбий ҳолатда эканлиги аниқланди. Вегетация даври белгиси билан тола узунлиги орасидаги боғлиқликлар катта бўлмаганлиги кузатилди. Вилт касаллигига бардошли ўсимликларда вегетация даври турлича бўлди, яъни 2 та тизмада кучсиз салбий ҳолатда, яъни -0.07 дан -0.18 гача, бошқа тизмаларда эса кучсиз ижобий ҳолатда бўлганлиги аниқланди.